102

مشن احاطہ کوٹ غلام محمد خان کے اندر صفائی کے ناقص انتظامات سینٹری سپروائزر نے مکینوں سے معذرت کر لی

مشن احاطہ کوٹ غلام محمد خان کے اندر صفائی کے ناقص انتظامات سینٹری سپروائزر نے مکینوں سے معذرت کر لی یہ علاقہ میونسپل کارپوریشن میں شامل نہیں اس لیے صفائی نہیں کروا سکتا مشن احاطہ کوٹ غلام محمد خان کے اندر صفائی نہ کروانے پر تعفن پھیل رہا ہے جگہ جگہ گندگی کے ڈھیر پڑے ہیں نالیوں میں گندا پانی پھر رہا ہے صفائی نام کی کوئی چیز نہیں لوگ نکو نک ہو چکے ہیں صفائی نہ ہونے کی وجہ سے گھروں میں پانی بھی گندا آ رہا ہے لوگ رات کو کھانا نہیں کھا سکتے جب لوگ سارا دن کام کاج کے بعد گھر واپس آتے ہیں تو بدبو کا سامنا کرنا پڑتا ہے رفیق مسیح جان جوزف زوالفقار مسیح جاوید ایلڈر شہزاد مسیح نے بتایا کہ خالد درواغہ کو جب صفائی کا کہا جاتا ہے تو اس کا کہنا ہے کہ یہ میونسپل کارپوریشن میں علاقہ نہیں کیا یہ علاقہ غیر ہے حالانکہ اس مشن احاطہ کوٹ غلام محمد میں ہی قصور کا سب سے بڑا چرچ ہے جس میں اتوار کو مسیحی برادری بڑی تعداد میں آتے ہیں مشن احاطہ کوٹ غلام محمد خان کے مکینوں نے ڈپٹی کمشنر قصور سے مطالبہ کیا ہے کہ فوری طور پر ایکشن لیتے ہوئے اس علاقہ کو میونسپل کارپوریشن میں اندراج کروا کر صفائی کے انتظامات کیے جائیں تاکہ جلدی اور ڈینگی جیسی موضی بیماریوں سے نجات مل سکے

اس خبر پر اپنی رائے کا اظہار کریں

اپنا تبصرہ بھیجیں